Inscripción Actividad Club Juvenil

1. Reserva de praza e inscrición
Para participar nas actividades do Club Xuvenil de Espazo Aberto Galiza (como visitas culturais, rutas de sendeirismo, obradoiros, entre outras), é necesario:

– Cubrir a ficha de inscrición.
– Abonar o importe correspondente á reserva de praza.
– Entregar a documentación requerida:
– Fotocopia da tarxeta sanitaria ou seguro privado, se procede.
– Certificado médico no caso de enfermidade, intolerancia ou alerxias.
– Fotocopia do DNI do participante e do pai, nai ou titor legal.

Unha vez cumpridos estes requisitos, a inscrición será efectiva. A Asociación Espazo Aberto Galiza resérvase o dereito de admisión.

3. Condicións de pago, cancelación e abandono da actividade
Os pagos deben completarse antes do inicio da actividade. En casos excepcionais, poderán realizarse o día da saída con autorización previa.
Penalizacións por cancelación:
Ata 7 días antes: devolución do 80%.
Dentro dos últimos 7 días: non se realizará ningún reembolso, salvo que se cubra a praza con outro participante.
Se o participante abandona a actividade unha vez iniciada, non se realizará ningún reembolso, e o retorno será xestionado a cargo do participante ou dos seus titores legais.

4. Emerxencias e seguros
No caso de emerxencia médica, o participante e os seus representantes autorizan á asociación a tomar as medidas necesarias, como solicitar asistencia sanitaria ou traslado médico.

Todos os participantes estarán cubertos por un seguro de responsabilidade civil incluído no prezo.
No caso de que o gasto supere a cobertura do seguro, será responsabilidade do participante ou dos seus representantes legais asumir os custos adicionais.

5. Expulsións
Se un participante comete unha falta grave que implique a súa expulsión da actividade, os pais ou titores deberán facerse cargo dos gastos do seu retorno anticipado. Ademais, serán responsables de calquera dano material causado durante a actividade.

6. Data límite de inscrición e cancelación de actividades
As actividades teñen prazas limitadas. O peche de inscricións produciráse ao alcanzar o máximo de prazas dispoñibles.
Se non se cobre o número mínimo de participantes, a actividade poderá ser cancelada, avisando cun mínimo de 3 días de antelación, e devolverase integramente o importe da reserva.

7. Protección de datos persoais
De acordo coa Lei Orgánica 15/1999 de Protección de Datos, informamos que os datos persoais recollidos serán tratados de forma confidencial e utilizados exclusivamente para a xestión e organización das actividades do Club Xuvenil.
Os participantes teñen dereito de acceso, rectificación e cancelación dos seus datos, que poden exercer mediante carta dirixida a:
Asociación Espazo Aberto Galiza, Rúa Pelamios nº 50 – 15.704, Santiago de Compostela (A Coruña – Galiza).

8. Uso de imaxes
A asociación resérvase o dereito de usar fotografías das actividades con fins promocionais, salvo que exista oposición expresa previa por parte dos pais, nais ou titores legais.

Conformidade:
Ao inscribirse, o participante e os seus representantes legais aceptan integramente estas condicións.